کراچی: گورنر سندھ ڈاکٹر عشرت العباد خان نے کہا ہے کہ ٹمبر مارکیٹ کی بحالی تک حکومت متاثرین کےساتھ کھڑی رہے گی ۔
کراچی میں آتشزدگی کا شکار ہونےو الی ٹمبر مارکیٹ کے دورے میں متاثرین سے ملاقات کی اور ان کے مسائل سنے ٹمبر مارکیٹ ایسوسی ایشن ، چیمبر آف کامرس او ر متعلقہ حکام نے گورنر سندھ کو واقعہ کی تفصیلات اور کئے جانے والے اقدامات سے آگاہ کیا۔
گورنر سندھ نے کہا کہ آتشزدگی سے متاثرہ عماروں کی تعمیر و مرمت جلد شروع کر دی جائے گی جبکہ نقصان کے ازالے کیلئے ایک کمیٹی قائم کی جاچکی ہے جو بہت جلد تخمینہ لگا کر اس کی رپورٹ حکومت کو ارسال کرے گی۔ ان کا کہنا تھا کہ تجارتی نقصانات کا تخمینہ آج ہی معلوم کرلیا جائے گا۔
