ابوظہبی: متحدہ عرب امارات کے وزیر برائے امور خارجہ ڈاکٹر انور قرقاش نےکہا ہے کہ پاکستان کو جنگ یمن پر مبہم پالیسی کی بھاری قیمت ادا کرنی پڑ سکتی ہے۔
متحدہ عرب امارات کے وزیر برائے امور خارجہ ڈاکٹر انور محمود قرقاش نے سماجی ویب سائٹ پر لکھا ہےکہ یمن میں حوثی باغیوں کے خلاف جاری آپریشن میں شامل نہ ہونے کے حوالے سے پاکستان کی پارلیمنٹ کی قرارداد غیر متوقع ہے۔
انہوں نے کہا کہ پاکستان کے لئےبہتر یہی ہےکہ وہ خلیجی ریاستوں کے ساتھ اپنے تعلقات کے حوالے سے واضح موقف اپنائے،خلیجِ عرب اس وقت نازک دوراہے پر کھڑا ہے۔
- Advertisement -
انور قرقاش نے کہا کہ پاکستان اور ترکی کےمبہم مؤقف سےثابت ہوتا ہے کہ لیبیا سےیمن تک سلامتی کی ذمہ داری صرف عرب ممالک کی ہے ۔
ڈاکٹر انور محمود قرقاش کا خیال ہے کہ پاکستان اور ترکی کیلئے ایران کی اہمیت خلیجی ممالک سے زیادہ بڑھ گئی ہے۔
