لاہور: وزیر اعلیٰ پنجاب شہباز شریف نے گوجرانوالہ واقعہ کی مذمت کرتے ہوئے آئی جی پنجاب سے رپورٹ طلب کرلی ہے۔
وزیر اعلیٰ پنجاب نے کہا کہ پتھراؤ کرنے والوں کی گرفتاری کا حکم دے دیا ہے، وزیر اعلیٰ پنجاب نے کہا کہ افسوسناک واقعہ میں ملوث شر پسندوں کو قانون کی گرفت میں لایا جائے گا، انہوں نے کہا کہ کسی کو امن سے کھیلنے کی اجازت نہیں دی جائے گی، شہباز شریف نے پاکستانی عوام سے پرامن رہنے کی اپیل کرتے ہوئے کہا کہ صبر کا دامن ہاتھ سے نہ چھوڑا جائے اور مخالفین کی اشتعال انگیز باتوں پر کارکن ردعمل ظاہر نہ کریں۔
