پنجاب: پولیس نفری کی کمی کے باعث تین روزہ انسدادِ مہم کو پانچ روز میں مکمل کرنے کا فیصلہ کیا گیا ہے، سندھ بھر میں تین روزہ انسدادِ پولیو مہم جاری ہے ۔
پنجاب میں جاری انسدادِ پولیو مہم کو تین روز سے بڑھا کر پانچ دن تک کرنے کا اعلان کردیا ہے، پولیو مہم بڑھانے کا فیصلہ پولیس کی نفری میں کمی کے باعث کیا گیا، ای ڈی او ہیلتھ کا کہنا ہے کہ اتنی پولیس نفری موجود نہیں کہ ہر پولیو ورکر کےساتھ پولیس اہلکار تعینات کئے جائیں، لہذا اس معاملے سکیورٹی کو یقینی بنانے کے لیے تین روزہ مہم پانچ روز تک کردی گئی ہے۔
دوسری جانب سندھ بھر میں تین روزہ پولیو مہم آج دوسرے روز بھی جاری ہے، کراچی کی حساس یونین کونسلوں میں پانچ سال تک کی عمر کے بچوں کو انسدادِ پولیو کے قطرے پلائے جا رہے ہیں، ڈی سی سنیٹرل کے مطابق سندھ بھر میں اسی لاکھ سے زیادہ بچوں کو جبکہ کراچی میں مجموعی طور پر بائیس لاکھ بچوں کو پولیو کے قطرے پلانے کا ہدف مکمل کرنا ہے۔
