لاہور: وزیراعلیٰ پنجاب کی زیرصدارت صوبائی اپیکس کمیٹی کے اجلاس میں کالعدم تنظیموں کے زکوۃ اور فطرانہ اکھٹا کرنے پر پابندی عائد کردی گئی ہے۔
تفصیلات کے مطابق اجلاس میں پنجاب کی مجموعی امن و امان کی صورتحال کو موضوع گفتگو بنایا گیا۔
اجلاس میں حکومت کے اعلیٰ حکام اور کور کمانڈر لاہور بھی موجود تھے۔
- Advertisement -
اجلاس میں تمام کالعدم تنظیموں پر زکوۃ اور فطرہ جمع کرنے پر پابندی عائد کردی گئی ہے۔
دریں اثنا کور کمانڈر لاہور لیفٹیننٹ جنرل نوید زمان نے وزیراعلیٰ پنجاب سےملاقات کی جس میں قومی ایکشن پلان سمیت دہشت گردی سے متعلق تمام موضوعات پر گفتگو کی گئی۔
