پنجاب یوتھ فیسٹیول کے سلسلہ میں واہگہ ٹاون میں ہونے والی فن ریس دیگرریسوں کی طرح بدنظمی کا شکار ہوگئی، ریس کے بعد شرکاء نے ریفرشمنٹ پر لوٹ مار مچا دی۔
لاہور جی ٹی روڈ باٹا پور میں ہونے والی ریس میں محمد اویس فاتح قرار پائے، ریس کے دوران غیر متعلقہ افراد بھی ریس میں شامل ہوتے رہے جس پر منتظمین نے انہیں دھکے دیکر اور تھپٹر مار کر ریس سے باہر نکالا، شرکاء کی تواضع کے لیے فروٹ کا انتظام کیا گیا تھا۔
جس پر شرکاء ٹوٹ پڑے اور شدید بدنظمی دیکھنے میں آئی ، اس سے قبل ہونے والی ریسوں میں بھی بدانتظامی کا مظاہرہ کیا جاتا رہا ہے۔
