کراچی : عالمی منڈی میں خام تیل کی قیمتوں میں اضافے کے باعث یکم مارچ سے پیٹرولیم مصنوعات میں ساڑھے تین فیصد تک کا اضافہ متوقع ہے۔
عالمی منڈیوں میں تیل کی قیمت میں جنوری کے اختتام اور فروری کے آغاز میں اضافہ دیکھا گیا، جس کے باعث مقامی سطح پر پیٹرولیم مصنوعات کی قیمتوں میں اضافہ متوقع ہے۔
اوگرا زرائع کے مطابق یکم مارچ سے پیٹرول کی فی لیٹر قیمت میں تین روپے ستانوے پیسے تک کا اضافہ متوقع ہے، ہائی اوکٹین کی قیمت میں چار روپے پچاس پیسے مٹی کے تیل کی قیمت دو روپے چھیاسٹھ پیسے اضافے کا امکان ہے ۔
- Advertisement -
ہائی اسپیڈڈیزل کی قیمت میں تین روپے جبکہ لائٹ ڈیزل کی قیمت دو روپے اکسٹھ پیسے فی لیٹرتک بڑھ سکتی ہے، قیمتوں میں اضافے کے باوجود پیٹرولیم مصنوعات کی قیمتیں اکتوبر دوہزار تیرہ کی قیمتوں سے پینتیس فیصد تک کم ہیں ۔
