پاکستان انٹر نیشنل ایئر لائن کی کامیاب فروخت کیلئے بنایا گیا کنسورشیم پنتالیس کروڑ اڑسٹھ لاکھ روپے فیس کے ساتھ حکومت سے کمیشن بھی لے گا۔
نجکاری کمیشن کے مطابق دبئی اسلامک بینک کی سربراہی میں بنائے گئے کنسورشیم کی فیس دیگر تمام بڈرزسے کم ہے۔ دبئی اسلامک بینک کا کنسورشیم تکنیکی لحاظ سے سب سے بہتر اورکم قیمت ہے۔
معاہدے کے مطابق پی آئی اے کی کامیاب فروخت کیلئے کنسورشیم کو پنتالیس کروڑ اڑسٹھ لاکھ روپے اور قیمت کا ڈیڑھ فیصد بھی دیا جائے گا۔ اس کنسورشیم میں دبئی اسلامک بینک، ڈیلوئٹ آڈٹ فرم اور دیگربین الاقوامی مالیاتی کمپنیاں شامل ہیں۔
- Advertisement -
آئی ایم ایف نے پی آئی اے کی نجکاری کیلئے آئندہ سال جون تک کی ڈیڈ لائن دی ہے ۔ نجکاری کمیشن ذرائع کے مطابق نجکاری کمیشن ہر مرحلہ مکمل طور پر شفاف رکھنا چاہتا ہے۔
