لاہور : الیکشن ٹربیونل نے پی پی ستانوے گوجرنوالہ کے تینتیس پولنگ اسٹیشن میں دھاندلی ثابت ہونے پر نتائج کالعدم قرار دیتے ہوئے دوبارہ پولنگ کا حکم دیدیا ہے۔
لاہور میں الیکشن ٹربیونل کے جج کاظم ملک نے کیس کی سماعت کی۔ درخواست گزار مسلم لیگ ق کے ناصر چیمہ کی جانب سے موقف اختیار کیاگیا کہ اس حلقہ میں مسلم لیگ ن کے اشرف واڑئچ دھاندلی سے کامیاب ہوئے جس کے واضح ثبوت موجود ہیں لہذا ٹربیونل کارروائی کرکے انتحابی نتائج کالعدم قرار دے۔
مسلم لیگ ن کے ایم پی اے نے دھاندلی کے الزامات مسترد کرکے درخواست خارج کرنے کی استدعا کہ فاضل جج نے تمام دلائل سننے کے بعد کمیشن تشکیل دیا، جس نے پی پی ستانوے گوجرنوالہ کے تمام ریکارڈ کا معائنہ کرکے رپورٹ پیش کی، جس میں تینتیس پولنگ اسٹیشنز میں دھاندلی ثابت ہوئی ہے۔
ٹربیونل نے انکوائری رپورٹ کے بعد پی پی ستانوے کے تینتیس پولنگ اسٹیشنز کے نتائج کالعدم قراردیکر یہاں ساٹھ روز میں دوبارہ الیکشن کروانے کا حکم دیدیا۔ پی پی سینتیس سے مسلم لیگ ن کے اشرف وڑائچ چھبیس ہزار چھ سو بیس ووٹ لیکر کامیاب ہوئے تھے۔
