چارواہ: بھارتی فورسز کی جانب سے سیزفائر معاہدے کی خلاف ورزی کا سلسلہ جاری ہے، بھارتی فورسز کیجانب سے رات گئے ایک بار پھر چارواہ سیکٹرکے قریب بلااشتعال فائرنگ کی گئی اور مارٹر گولے داغے گئے۔
چارواہ سیکٹر کے قریب بھارتی فورسز کی بلااشتعال فائرنگ اور گولہ باری سے چھ گاؤں متاثرہوئے، چناب رینجرز کی بھرپورکارروائی سے بھارتی توپیں خاموش ہوگئیں۔
آئی ایس پی آر نے بھارتی جارحیت کی تصدیق کرتے ہوئے بتایا ہے کہ بھارتی فوج کی جانب سے ورکنگ باؤنڈری پر جنگ بندی کی مسلسل خلاف ورزی جاری ہے۔ ورکنگ باؤنڈری پر بھارتی فائرنگ کا سلسلہ ایسے وقت شروع جب پاکستان اور بھارت کے وزرائے اعظم روس میں نو جولائی سے شروع ہونے والی شنگھائی تعاون تنظیم کانفرنس میں شرکت کریں گے۔
