اسلام آباد: اپوزیشن لیڈرسید خورشید شاہ نے چیف الیکشن کمشنر کی تقرری کے لئے سپریم کورٹ سے تین ماہ کا وقت مانگ لیا ہے۔
سپریم کورٹ آف پاکستان نے چیف الیکشن کمشنرکی تقرری کے لئے اٹھائیس اکتوبر تک کی مہلت دی تھی،عدالتی ڈیڈ لائن کے آخری روز اپوزیشن لیڈر خورشید شاہ نے سپریم کورٹ میں اپنا جواب جمع کرایا۔
جس میں مؤقف کیا کہ چیف الیکشن کمشنر ایک آئینی عہدہ ہے، آئین کا تقاضہ ہے، چیف الیکشن کمشنرکی تقرری میں مشاورت کی جائے، لہذا بامعنی مشاورت کے لئے وقت درکار ہے۔
انھوں نے اعلیٰ عدالت سے استدعا کی کہ اس اہم عہدے پر تقرری کیلئے تین ماہ کا وقت دیا جائے، فخروالدین جی ابراہیم کے مستعفی ہونے کے بعد سے یہ عہدہ خالی پڑا ہے، سپریم کورٹ کے جسٹس انور ظہیر جمالی قائم مقام چیف الیکشن کمشنر کے فرائض انجام دے رہے ہیں۔
