ڈھاکہ : میر پور میں کھیلے جارہے تیسرے اور آخری ایک روزہ میچ میں پاکستان نے ٹاس جیت کر پہلے بیٹنگ کا فیصلہ کیا۔
میچ میں پاکستانی اوپنرز نے اچھا آغاز فراہم کیا اور پاکستانی ٹیم کے کپتان اظہر علی اور سمیع اسلم نے مل کر 91 رنز کی پارٹنر شپ بنائی تاہم سمیع اسلم 45 رنز بنا کر کیچ آؤٹ ہوگئے۔
میچ کیلئے قومی ٹیم میں تین تبدیلیاں کی گئی ہیں۔ سرفراز احمد، راحت علی اور سعید اجمل کو ڈراپ کردیا گیا ہے۔ ان کی جگہ عمر گل، سمیع اسلم اور ذوالفقار بابر کو فائنل الیون کا حصہ بنایا گیا ہے۔ اوپنر سمیع اسلم نے ون ڈے میں ڈیبیو کیا ہے۔
- Advertisement -
واضح رہے کہ بنگلہ دیش کو سیریز میں دو صفر کی فیصلہ کن برتری حاصل ہے، بنگلا دیش پاکستان کو پہلی بار کلین سوئپ کرنے کی کوشش کرے گا جبکہ پاکستان تیسرے میں بھی ناکام رہا تو آئی سی سی رینکنگ میں ساتویں پوزیشن کھودے گا۔
