کراچی: پولیس نے قائدآباد سے دو ٹارگٹ کلرز گرفتار کر لیے، مچھر کالونی میں رینجرز سے مقابلے کے دوران کالعدم تحریک طالبان سے تعلق رکھنے والا ایک ملزم ہلاک ہوگیا، ملزم کامرہ بیس حملے اور دیگر وارداتوں میں ملوث تھا۔
پولیس زرائع کے مطابق کراچی کے علاقے قائدآبا د میں خفیہ اطلاع پر کارروائی کرتے ہوئے پولیس نے دو ٹارگٹ کلرز کو گرفتار کرلیا، ملزمان کے قبضے سے اسلحہ اور دستی بم برآمد ہوئے، گرفتار ملزمان قتل کی متعدد وارواتوں میں مطلوب تھے۔
دوسری جانب کراچی کے علاقے مچھر کالونی میں رینجرز نے ٹارگٹڈ کارروائی کی، اس دوران ملزمان کی جانب سے فائرنگ کی گئی، جوابی فائرنگ سے ایک ملزم نعمان عرف نومی مارا گیا، ترجمان رینجرز کے مطابق ملزم کا تعلق کالعدم تحریک طالبان سے تھا، رینجرز کے مطابق ملزم کامرہ بیس حملے اور دیگر وارداتوں میں ملوث تھا۔
