کراچی: نائن زیرو پر چھاپے کیخلاف ایم کیوایم کے کارکنوں نے شدید احتجاج کیا، اس موقع پر فاروق ستار کا کہنا تھا کہ ایم کیوایم کو بزور طاقت کبھی ختم نہیں کیا جاسکتا۔
رینجرز کے چھاپے کیخلاف ایم کیوایم کے کارکنان نے نائن زیرو پر جمع ہوکر شدید احتجاج کیا، اس موقع پر مشتعل کارکنوں نے حکومت کیخلاف نعرے بازی کی، اس موقع پر ہنگامی پریس کانفرنس سے خطاب میں فاروق ستار نے کہا کے ایم کیوایم کو دیوار سے لگانے کے نتائج مثبت برآمد نہیں ہونگے۔
سینیٹر بیرسٹر سیف نے کہا کے رینجرز نے ریاستی ظلم وجبر اور آئین وقانون کی پامالی کی انتہا کردی ہے۔
متحدہ قومی مومنٹ کے رہنما سینیٹر طاہر مشہدی نے کہا کہ ایم کیوایم ایف آئی آرز اور گرفتاریوں سے ڈرنے والی نہیں اور نا ہی ایم کیوایم کو طاقت سے ختم کیا جاسکتا ہے۔
