کراچی: کراچی میں سخی حسن چورنگی کے قریب ڈاو میڈیکل یونیورسٹی کے طالب علموں کی بس کو لوٹ لیا گیا ہے۔
تفصیلات کے مطابق تھانہ تیموریہ کی حدود میں سخی حسن چورنگی کے قریب 4مسلح ملزمان ڈاو میڈیکل یونیورسٹی کی بس میں اچانک داخل ہوئے اور اسلحے کے زور پر تمام طالب علموں اور دیگر افراد کو یرغمال بنانے کے بعد لوٹ مار شروع کردی۔
ملزمان بس میں سوار افراد کے موبائل فون، نقدی اور دیگر قیمتی سامان لوٹ کر فرار ہوگئے ہیں۔ پولیس کا کہنا ہے کہ واقعہ کا روزنامچہ درج کردیا گیا ہے اور ملزمان کی گرفتاری کیلئے کوششیں شروع کردی ہیں۔
