کراچی کے علاقے کورنگی میں زہریلا کھانا کھانے سے دو سگی بہنیں جاں بحق اور چار کی حالت غیر ہوگئی۔
پولیس کے مطابق کراچی کے علاقے کورنگی اکیاون سی کے علاقے میں گھر میں زہریلا کھانا کھانے سے چار افراد کی حالت غیر ہوگئی، جن کو نیم بے ہوشی کی حالت میں اسپتال منتقل کیا گیا، جہاں دو بہنیں ماہم اور زرمین دم توڑ گئیں۔
دیگر بہنوں میں کبریٰ، سمیہ، مصباح اور جگنی شامل ہیں، جن کی حالت تشویشناک بتائی جارہی ہے۔
