کوئٹہ: محکمہ صحت کے ذرائع کے مطابق تین روزہ پولیو مہم آج شروع ہونا تھی لیکن بعض سیکورٹی خدشات کے باعث ملتوی کردی گئی ہے۔
سیکرٹری صحت نور الحق بلوچ کا کہنا ہے کہ کوئٹہ کے بعض علاقوں میں سیکورٹی کی کمی کے باعث پولیو مہم کو ملتوی کیا گیا ہے، پولیو مہم کے دوران سیکورٹی فراہم کرنے کی ذمہ داری ڈپٹی کمشنرز کی ہوتی ہے۔
تاہم حکام کا کہنا ہےکہ سیکورٹی کی کمی کے باعث بعض علاقوں میں پولیو مہم ملتوی کرنا پڑتی ہے۔
واضح رہے کہ دو مراحل پر مشتمل کوئٹہ کی اٹھارہ یونین کونسلز میں انسداد پولیو مہم کا آغاز کیا گیا تھا۔
محکمہ صحت بلوچستان کے حکام کے مطابق مہم کے پہلے مرحلے ضلع کے 18یونین کونسلز میں دو لاکھ 28ہزار سے زائد بچوں کو پولیو سے بچاؤ کے قطرے پلائے جائیں گے۔
اس سلسلے میں 487موبائل ٹیمیں حصہ لے رہی تھیں جبکہ 25ٹرانزٹ پوائنٹس 48فکس پوائنٹس پر بھی بچوں کو قطرے پلانے کی سہولت کی دی گئی تھی۔
ٹیموں کی حفاظت کے لئے پولیس کے علاوہ ایف سی اہلکار بھی تعینات کئے گئے تھے، مہم کا دوسرا مرحلہ کوئٹہ کے باقی 17یونین کونسلز میں آج سے شروع ہونا تھا۔
