گلگت بلتستان: گلگت بلتستان کا وزیرِاعلی کون ہوگا، اس کا فیصلہ آج متوقع ہے، مسلم لیگ نون کے نامزد امیدوار آج وزیرِاعظم نوازشریف سے ملاقات کریں گے۔
مسلم لیگ نون کے نامزد امیدوار حافظ حفیظ الرحمن پارٹی سربراہ وزیرِاعظم نواز شریف سے آج ملاقات کرکے حکومت سازی کے حوالے سے ہدایات لیں گے اور خواتین اور ٹیکنوکریٹس کی نشستوں کے لئے امیداورں کے ناموں کو بھی حتمی شکل دی جائےگی۔
زرائع کے مطابق گلگت بلتستان کے پارلیمانی بورڈ نے وزیرِاعلی کے لئے حافظ حفیظ الرحمن کو نامزد کیا ہے۔
دوسری جانب اسپیکر کے لئے حاجی اکبر تابان کا نام سرِفہرست ہے، اسپیکر کے لئے میرغضنفر علی خان اور فدا محمد شاہ کے نام بھی زیرِغور ہیں۔
