گوجرانوالہ: حوا کی بیٹی شوہر کے ہاتھوں تیزاب گردی کا شکار ہوگئی جبکہ چکوال میں دوست نے دوست کی آنکھوں میں ایلفی ڈال کر زندگی بھر کے لئے بینائی سے محروم کردیا۔
گوجرانوالہ میں حوا کی ایک اور بیٹی تیزاب گردی کا شکار ہوگئی، عاصمہ نامی خاتون پر کسی اور نے نہیں بلکہ اس کے اپنے نشی شوہر قیصر نے تیزاب پھینکا اور فرار ہوگیا۔
تیزاب کی زد میں آکر ماں بیٹا دونوں جھلس گئے۔
اسپتال انتظامیہ کے مطابق دونوں زخمیوں کو تشویشناک حالات میں لاہور ریفر کردیا گیا۔
دوسری جانب چکوال میں توصیف کے اپنے دوست نے ایلفی ڈال کر آنکھیں ضائع کردیں، قصبہ کھودے کے مدرسے میں زیرِتعلیم سات سالہ توصیف کے والدین کا کہنا ہے کہ مدرسے کے طالبعلم عدنان نے ان کے بیٹے کی آنکھوں میں ایلفی ڈالی۔
ادھر مدرسہ کی انتظامیہ نے تمام الزامات رد کردئیے ہیں۔
