پاکستان ٹیم کے بیٹنگ کوچ گرانٹ فلاور کا کہنا ہے کہ ٹیم کا ہر بلے باز مختلف مسائل کا شکار ہے، کسی کی ٹیکنک خراب، کوئی دباؤ کا شکار تو کوئی ذہنی طور پر مضبوط نہیں ہے۔
پاکستانی شاہینوں کیلئے درد سر بنے والی بیٹنگ لائن کا مسئلہ گرانٹ فلاور نے بتادیا، بیٹگ کوچ کا کہنا ہے کہ ہر بلے باز مختلف قسم کےمسائل کا شکار ہے، کوئی ذہنی طور پر مضبوط نہیں، کسی کی ٹیکنک خراب ہے تو کوئی دباؤ کا شکار ہے۔
گرانٹ فلاور نے کہا کہ عمر اکمل اور صہیب مقصود میں بے پناہ ٹیلینٹ ہے، اور اب وقت آگیا ہے کہ دونوں ہی کچھ کر کے دکھائے، بلے بازوں نے بڑا اسکور نہیں کیا تو ایونٹ میں آگے جانا مشکل ہوجائے گا۔
گرانٹ فلاور نے کہا کہ بلے بازوں کو اندازہ ہے کہ ان سے بہت سی توقعات وابستہ ہے، جنوبی افریقہ کے بہترین بولنگ اٹیک کیخلاف پرفارمنس دکھا کر کھلاڑیوں کا مورال ضرور بلند ہوگا۔
