عدن : یمنی حکومت کے حامی اورمخالف گروہوں کے درمیان جھڑپوں کے باعث عدن میں بجلی غائب اور پانی کی قلت ہوگئی ہے جبکہ کئی دکانوں میں اشیائے خوردونوش کی بھی کمی ہوگئی ہے۔
شہر کے ایک کنویں پر خواتین اور بچوں سمیت درجنوں افراد پیلے رنگ کے کین میں پانی بھرنے کے لیے اپنی باری کے منتظر ہیں، شہری اپنے استعمال کے لئے صاف پانی بھر کر گھروں کو لےجارہے ہیں کیونکہ حالات خراب ہونے کے باعث عدن میں نہ صرف پانی بلکہ بجلی اور اشیائے خوراک کی بھی قلت ہوگئی ہے۔
ایک لڑکے نے بتایا کہ اس کے گھر میں پانچ دن سے پانی نہیں تھا اور وہ بڑی مشکل سے اس کنویں تک پانی لینے پہنچا ہے۔
عدن شہر میں دو کانداروں کا کہنا ہے کہ خشک دودھ، سبزیوں سمیت بنیادی اشیائے خوراک کی قلت ہوگئی ہے، ایک مقامی خاتون مونا احمد کا کہناہے کہ جو کچھ بھی ہورہا ہے وہ زیادتی ہے،عوام کے ساتھ ناانصافی ہے۔
جمعہ کو بڑے بجلی گھر پر دو راکٹ گرنے سےعدن کے بڑے حصے کو بجلی کی فراہمی متاثر ہوئی ہے، جس کی وجہ سے شہر کے مختلف علاقوں میں یا تو بجلی غائب ہے یا پھر آجا رہی ہے۔
