اسلام آباد: یمنی صورتحال پر غور کیلیے وزیراعظم کی زیرِصدارت مشاورتی اجلاس میں پارلیمنٹ کا مشترکہ اجلاس پیر کے روز بلانے کا فیصلہ کر لیا گیا، جس میں یمن کے معاملے پر پارلیمنٹ کو اعتماد میں لیا جائیگا۔
وزیراعظم نواز شریف کی زیرِ صدارت اجلاس میں یمن کی صورتحال پر تبادلہ خیال کیا گیا، وزیرِدفاع خواجہ آصف اور مشیرِخارجہ سرتاج عزیز نے دورہ سعودی عرب اور سعودی حکام سے ملاقاتوں سے متعلق اجلاس کو مکمل بریفنگ دی۔
اجلاس میں سیکریٹری خارجہ اعزاز چوہدری، وفاقی وزیر خزانہ اسحاق ڈار، آرمی چیف جنرل راحیل شریف، پاک فضائیہ اور بحریہ کے سربراہوں نے بھی شرکت کی۔
- Advertisement -
ذرائع کے مطابق اجلاس میں سعودی عرب کی جانب سے تعاون کی درخواست پر پاک فوج کے دستے سعودی عرب بھیجنے اور یمن سے پاکستانیوں کے محفوظ انخلاء اور اس بارے میں دیگر امور کا جائزہ لیا گیا۔
