کابل : افغان وزارت دفاع کا کہنا ہے کہ افغان ہیلی کاپٹر تکنیکی خرابی کی وجہ سے گرکر تباہ ہوا جس کے نتیجے میں اس میں سوار تمام افراد ہلاک ہوگئے۔
تفصیلات کےمطابق افغانستان کے صوبے بغلان میں طالبان نے افغان نیشنل آرمی کا ہیلی کاپٹر مار گرانے کادعوی کیا ہے جبکہ حادثے میں ہیلی کاپٹر میں سوار تمام عملہ مارا گیا۔
دوسری افغان وزارت دفاع کا کہنا ہے کہ آج صبح چاربجے دواہم آئی ہیلی کاپٹر بغلان میں بیس پر سامان کی فراہمی کررہے تھے کہ ان میں سے ایک میں تکنیکی خرابی کی وجہ سے آگ لگ گئی جو گر کے تباہ ہوگیا۔
- Advertisement -
وزارت دفاع کا اپنے بیان میں کہنا ہے کہ ہیلی کاپٹر میں ہلاک ہونے والے تین فوجی جبکہ چار افراد عملے کا حصہ تھے۔
ادھرطالبان کے ترجمان ذببیح اللہ نے تصدیق کی ہے کہ افغان نیشنل آرمی کا ہیلی کاپٹر طالبان نے بغلان کے علاقے پل خمری کے نزدیک مار گرایاہے۔
