حال ہی میں رشتۂ ازدواج میں منسلک ہونے والی پاکستانی اداکارہ مدیحہ امام نے اپنے شوہر موجی بسر کے ساتھ نئی تصاویر شیئر کردی ہے۔
شیئر کی گئی تصاویر میں مدیحہ امام اور ان کے شوہر موجی بسر کو ترکی کے مشہور قصاب اور شیف، نصرت گوکی عرف سالٹ بی کے وال آرٹ کے ساتھ پوز دیتے ہوئے دیکھا جا سکتا ہے۔
اداکارہ مدیحہ امام نے فنگر ہارٹ ایموجی کے ساتھ تصاویر شیئر کی ہیں جس میں وہ بے حد خوش نظر آرہی ہیں۔
View this post on Instagram
اداکارہ کے ہزاروں مداحوں نے تبصروں میں نئے جوڑے کے لیے پسندیدگی اور شادی کی کہانی شیئر کرنے کی خواہشات کے ساتھ اپنی محبت کا اظہار کیا۔
مدیحہ امام کے شوہر موجی بسر کون ہیں؟
دوسری جانب مدیحہ امام کے اس پوسٹ پر ان کے شوہر موجی بسر نے کمنٹس میں کہا کہ ’ مائی ڈیٹ فار ایور‘ ساتھ بھی کچھ ایموجیز بھی ایڈ کی ہیں۔
View this post on Instagram
واضح رہے کہ مئی کے پہلے ہفتے اداکارہ نے شوہر کے ہمراہ اپنی شادی کا اعلان کرتے ہوئے شادی کی تصاویر سوشل میڈیا پر شیئر کی تھیں جس میں انہیں سرخ رنگ کے عروسی لباس جب کہ ان کے شوہر کو وائٹ سوٹ میں دیکھا گیا۔
