وفاقی دارالحکومت اسلام آباد میں غیرملکی کو لوٹنے کا ایک اور واقعہ پیش آگیا۔
تفصیلات کے مطابق ایف سیکس مرکز سپر مارکیٹ میں پولینڈ کی شہری کو لوٹ لیا گیا۔ 2 ملزمان نے پولیس اہلکار بن کر غیرملکی خاتون کو چیکنگ کے بہانے روکا اور اس سے نقدی چھین لی۔
ذرائع کا کہنا ہے کہ ملزمان خاتون سے500 پاؤنڈ اور یوروز لےکر فرار ہو گئے۔ جعلی پولیس اہلکار بن کر واردات کرنے والوں نے وردی نہیں پہنی تھی۔
- Advertisement -
اطلاع ملنے پر تھانہ کوہسار پولیس موقع پر پہنچ گئی اور واقعے کی تفتیش شروع کر دی۔ پولیس نے اس متعلق مزید تفصیلات اکٹھی کر لی ہیں۔
