کراچی : محکمہ موسمیات نے کراچی میں جاری گرمی کی لہر کے حوالے سے اہم پیش گوئی کردی، جس کے مطابق شہریوں کو انتظار کرنا ہوگا۔
تفصیلات کے مطابق چیف میٹرولوجسٹ سردارسرفراز کی جانب سے بیان می کہا ہے کہ شدید گرمی کی صورتحال جون کے پہلے ہفتہ تک برقراررہے گی جبکہ 23سے28مئی تک پنجاب اورسندھ شدید گرمی کی لپیٹ میں رہیں گے۔
چیف میٹرولوجسٹ سردارسرفراز نے خبردار کیا کہ اس دوران شہروں کا درجہ حرارت 50 ڈگری سے بھی بڑھ سکتا ہے۔
محمکہ موسمیات کے مطابق پارہ39 ڈگری سینٹی گریڈتک جانےکاامکان ہے، موجودہ درجہ حرارت33ڈگری ہےجبکہ گرمی کی شدت 40 ڈگری سینٹی گریڈ تک محسوس کی جارہی ہے۔
دوسری جانب ملک کے بیشتر شہر آج بھی شدید گرمی کی لپیٹ میں ہیں، گھوٹکی، کشمور،جیکب آباد،نوابشاہ،سکھر،رحیم یار خان اور بھکر میں پارہ سینتالیس ڈگری تک پہنچ گیا۔
سانگھڑ، بہاول پور،راجن پور میں چھیالیس ڈگری سینٹی گریڈ ہے جبکہ سبی،ڈی آئی خان،ڈی جی خان،ملتان، فیصل آباد اور سرگودھا میں درجہ حرارت پینتالیس ڈگری سینٹی گریڈ ریکارڈ کیا گیا۔
لاہورمیں درجہ حرارت اکتالیس ڈگری ہے لیکن اس کی شدت تینتالیس ڈگری محسوس کی جارہی ہے
سندھ اور پنجاب میں 23 سے 27 مئی تک 06 سے 08 ڈگری سینٹی گریڈ تک رہنے کا امکان ہے جبکہ اسلام آباد، خیبر پختونخوا، کشمیر، گلگت بلتستان اور بلوچستان میں 21 سے 27 مئی تک دن کا درجہ حرارت معمول سے 04 سے 06 ڈگری سینٹی گریڈ زیادہ رہنے کا امکان ہے۔
ماہرین نے شہریوں کو احتیاط کا مشورہ دیتے ہوئے کہا کہ غیر ضروری گھر سے باہر نکلنے سے گریز کریں۔
