اسلام آباد : معروف عالم دین ڈاکٹر راغب نعیمی کو چیئرمین اسلامی نظریاتی کونسل نامزد کردیا گیا۔
تفصیلات کے مطابق صدر پاکستان آصف علی زرداری نے معروف مذہبی سکالر علامہ ڈاکٹر راغب حسین نعیمی کو اسلامی نظریاتی کونسل کا چیئرمین مقرر کردیا ہے۔
وزارت قانون وانصاف نے ڈاکٹر راغب حسین نعیمی کی تقرری کا نوٹیفکیشن جاری کردیا ہے۔
.
ڈاکٹر راغب حسین نعیمی لاہور کی معروف دینی درسگاہ جامعہ نعیمیہ کے ناظم اعلیٰ اورمتحدہ علماء بورڈ پنجاب کے چیئرمین ہیں،پنجاب زکوٰۃ کونسل ، مرکزی رویت ہلال کمیٹی کے رکن ہونے کے ساتھ پنجاب یونیورسٹی لاہور اور زرعی یورنیورسٹی فیصل آباد کی سنڈیکٹ کے ممبر ہیں۔
تعلیم کے فروغ،امن وامان کے قیام اور بین المذاہب ومسالک کے فروغ کیلئے آپ کی خدمات کو قدر کی نگاہ سے دیکھا جاتا ہے۔
حال ہی میں آپ کو دینی، تعلیمی اورسماجی خدمات کے اعتراف میں صدرمملکت کی جانب سے ”ستارہ امتیاز“سے نوازا گیا ہے۔
