ڈرائیونگ لائسنس آفس کب تک بند رہے گا؟ شہریوں کے لیے اہم خبر
ڈرائیونگ لائسنس بنوانے والوں کے لیے اہم خبر
ڈرائیونگ لائسنس اجرا کرنیوالا سسٹم اپ گریڈیشن کی وجہ سے پنجاب بھر میں بند رہے گا، شہریوں کو 27 مئی کے بعد آفس آنے کی ہدایت کی گئی ہے۔
تفصیلات کے مطابق سی ٹی او لاہور عمارہ اطہر نے بتایا کہ سسٹم 23 مئی کی شام 5 بجے سے 27 مئی سہ پہر 3 بجے تک بند رہے گا۔ ڈرائیونگ لائسنس اجرا کرنے والا سسٹم پنجاب بھر میں اپ گریڈیشن کے سبب بند رہے گا۔
سی ٹی او لاہور کا کہنا تھا کہ اس دوران لرنر پرمٹ، رینول و فریش لائسنس اور انٹرنیشنل لائسنس جاری نہیں ہوسکیں گے۔
انھوں نے بتایا کہ شہری 27 مئی سہ پہر3 بجے کے بعد لائسنس دفاتر تشریف لاسکیں گے، شہریوں کے پاس ای لائسنس کا ہونا قابل قبول ہوگا۔
سی ٹی او لاہور عمارہ اطہر کا کہنا تھا کہ اس دوران ای لائسنس رکھنے والوں کو چالان ٹکٹس جاری نہیں ہوں گے۔
