کراچی: ڈارک ویب سائٹس کیلئے شوہر پر اپنی بیوی کی غیراخلاقی ویڈیوز بنانے کا الزام سامنے آیا ہے جبکہ ملزم نے کئی انکشافات بھی کیے ہیں۔
تفصیلات کے مطابق لیاقت آباد ویمن پولیس نے ڈارک ویب سائٹس کیلئے اپنی بیوی کی غیراخلاقی ویڈیوز بنانے والے شوہر کو گرفتار کرلیا ہے۔ پولیس کے ہاتھوں گرفتار ملزم نے انکشاف کیا کہ ویب سائٹس والے مجھ سے واٹس ایپ پر رابطہ کرتے تھے۔
گرفتار ملزم نے بتایا کہ 2 سال پہلے باتھ روم میں کیمرہ لگایا تھا لیکن پھر بند کردیا تھا، ویب سائٹ پر کوئی ویڈیو اپلوڈ نہیں کی۔
ملزم کا اپنے بیان میں مزید کہنا تھا کہ ویب سائٹس والوں کے پاس میرا موبائل نمبر پتہ نہیں کیسے آگیا۔
متاثرہ خاتون کا کہنا تھا کہ ملزم اپنے دوستوں کے ساتھ بھی تعلقات رکھنے کے لیے دباؤ ڈالتا تھا، ملزم نے بیٹی کی بھی غیراخلاقی ویڈیوز بنانے کی کوشش کی۔
پولیس کا کہنا تھا کہ ملزم کی بیوی نے الزام لگایا کہ شوہر غیراخلاقی حرکتیں کرتا ہے اور ویڈیوز بناتا ہے۔ ملزم کے موبائل فون اور لیپ ٹاپ کو چیک کیا جارہا ہے۔
