وزیراعظم شہبازشریف نے فلسطین میں نسل کشی کیخلاف دائر مقدمے پر عالمی عدالت انصاف کے فیصلے کا خیرمقدم کرتے ہوئے زور دیا ہے کہ سلامتی کونسل، عالمی برادری غزہ میں اسرائیلی آپریشن روکنے کے فیصلے پر فوری عمل کرائے۔
وزیراعظم نے ردعمل میں کہا کہ رفح آپریشن روکنے سے متعلق فیصلے پر عملدرآمد سے دنیا میں امن کی راہ ہموار ہو گی، مظلوم انسانیت کےحق میں فیصلہ دینے والے 13 ججوں کو خراج تحسین پیش کرتے ہیں۔
بیان میں کہا گیا کہ انسانیت کے حق میں پٹیشن دائر کرنے پر جنوبی افریقا کوخراج تحسین پیش کرتے ہیں پاکستان نے پہلے بھی جنوبی افریقا کی پٹیشن کی حمایت کی تھی اور آئندہ بھی تمام فلسطینیوں کا کیس لڑتے رہیں گے۔
وزیراعظم نے کہا کہ فیصلےکے مطابق اقوام متحدہ کےتحقیقاتی کمیشن کو غزہ اور رفح میں فوری رسائی دی جائے فیصلہ مظلوم انسانوں کی فتح ہے اس پر عملدرآمد کرایا جائے۔
ان کا کہنا تھا کہ راستے کھولنے، غذائی اور طبی امداد کی فوری فراہمی کے فیصلے پر عملدرآمد کرایا جائے عدالتی فیصلے پر عملدرآمد کرایا جائے تاکہ مظلوم انسانوں کو ریلیف مل سکے پاکستان مظلوم فلسطینیوں کے بنیادی، قانونی حقوق کےتحفظ کیلئےکردار ادا کرتا رہےگا۔
