شوبز انڈسٹری کی نوجوان اور مقبول اداکارہ نوال سعید نے کئی قومی کرکٹرز کے حوالے سے حیرت انگیز انکشاف کیا ہے۔
ایک انٹرویو کے دوران نوال سعید نے بتایا کہ سوشل میڈیا پر پاکستانی کرکٹ ٹیم سے تعلق رکھنے والے متعدد پلیئرز کی جانب سے انھیں بہت سارے پیغامات موصول ہوئے ہیں اور وہ تمام اکاؤنٹ تصدیق شدہ تھے۔
اداکارہ اور ماڈل کا مزید کہنا تھا کہ انھیں پیغامات موصول ہونے پر کافی حیرت ہوئی کیوں کہ پاکستانی کرکٹ ٹیم کے متعدد تصدیق شدہ سوشل میڈیا اکاؤنٹس سے انھیں پیغامات ملے۔
انھوں نے کہا کہ کسی بھی کھیل سے تعلق رکھنے والے کھلاڑی ملکی سفیر کی حیثیت رکھتے ہیں اس لیے اگر ان کی جانب سے ایسے پیغامات بھیجے جائیں تو یہ درست عمل نہیں ہوتا۔
کئی معروف ڈراموں میں اداکاری کے جوہر دکھانے والی نوال سعید نے کسی بھی کھلاڑی کا نام لیے سے گریز کیا تاہم انھوں نے کہا کہ پلیئرز ملک کے اندر اپنے مقام کا خیال رکھیں اور ایسی حرکتوں سے پرہیز کریں۔
انھوں نے کہا کہ اداکار عوام کو تفریح مہیا کرتے ہیں جبکہ کھلاڑی ملک کے ترجمان ہوتے ہیں اس لیے سوشل میڈیا پر انھیں اپنے پروفیشنل ازم کا خیال رکھنا چاہیے۔
واضح رہے کہ اپنی خوبصورتی کے لیے مشہور نوال سعید نے گزشتہ دنوں نجی ٹی وی کے ایک پروگرام میں شرکت کی تھی جہاں اداکارہ نے شوبز کیریئر کے تجربات اور رکاوٹوں کے حوالے سے دلچسپ گفتگو کی۔
