سعودی وزیر خارجہ ایرانی صدر کی تدفین میں شرکت کیلئے ایران کے شہر تہران پہنچ گئے۔
عرب میڈیا کا اس حوالے سے کہنا ہے کہ سعودی وزیر خارجہ تہران میں ایرانی قیادت سے صدر ابراہیم رئیسی، وزیر خارجہ امیر عبداللہیان اور دیگر کی وفات پر اظہار تعزیت کریں گے۔
عرب میڈیا کے مطابق سعودی وزیر خارجہ ایرانی صدر ابراہیم رئیسی کی تدفین میں بھی شریک ہوں گے۔
واضح رہے کہ گزشتہ روز تہران میں ہیلی کاپٹر حادثے میں شہید ہونے والے ایرانی صدر ابراہیم رئیسی اور دیگر حکام کی نماز جنازہ ادا کردی گئی، جس میں ہزاروں افراد شریک ہوئے۔
تہران میں ایرانی صدر ابراہیم رئیسی، وزیر خارجہ حسین امیر عبداللہیان اور دیگر کی نماز جنازہ ایران کے سپریم لیڈر آیت اللہ خامنہ ای نے پڑھائی۔
ابراہیم رئیسی نے اسماعیل ہنیہ سے آخری ملاقات میں کیا کہا تھا؟
ایرانی میڈیا کا کہنا ہے کہ ایرانی صدر ابراہیم رئیسی کی تدفین مشہد میں امام علی رضا کے روضے کے احاطے میں کی جائے گی۔
