ایک کیفے کے مالک نے سیلز بڑھانے کے لیے گاہکوں کو فری کافی کی منفرد آفر کی پیشکش کردی جہاں آپ نے صرف ڈانس کرکے دکھانا ہے اور پھر آپ کو مفت کافی ملے گی۔
آج کے اس دور میں نوجوان جو نیا کاروبار کھڑا کرنا چاہتے ہیں وہ بہت زیادہ پیسے خرچ کرنے سے پہلے اپنے آئیڈیا کو مارکیٹ میں ٹیسٹ کرنا چاہیے جس کے لیے وہ مختلف آئیڈیاز کے ساتھ مارکیٹ میں آتے ہیں۔
لیکن سعودی شہر ریاض میں ایک مقامی کیفے مالک نے اپنے کسٹمرز کیلئے دلچسپ پیشکش متعارف کروائی ہے، ’ڈانس فری کافی ‘ نامی سروس والے اس کیفے کا افتتاح چند روز قبل ہی کیا گیا ہے۔
View this post on Instagram
دارالحکومت ریاض میں موجود اس کیفے کی سوشل میڈیا پر ایک ویڈو وائرل ہو رہی ہے جس میں مرد اور خواتین صارفین کو ایک کپ مفت کافی لینے کے لیے ڈانس کرتے ہوئے دیکھا جا سکتا ہے۔
فوٹو اینڈ ویڈیو شیئرنگ ایپ انسٹاگرام پر ’کنگڈم ڈائریز ایس کے ‘ نامی پیچ کی جانب سے یہ ویڈیو شیئر کی گئی جس کے مطابق جو بھی گاہک اس کیفے کا رخ کرتا ہے تو پہلے اسے رقص کرنا ہوگا اسکے بعد ہی وہ کافی حاصل کرسکتا ہے۔