بالی ووڈ اداکار رنبیر کپور نے انکشاف کیا ہے کہ ہدایت کار سنجے لیلا بھنسالی فلم سیٹ پر ان کی پٹائی کیا کرتے تھے۔
بھارتی میڈیا رپورٹس کے مطابق اداکار رنبیر کپور کا پرانا انٹرویو سوشل میڈیا پر وائرل ہورہا ہے جس میں وہ سنجے لیلا بھنسالی کی جانب سے اپنی پٹائی لگانے سے متعلق بتا رہے ہیں۔
رنبیر کا کہنا تھا کہ سنجے لیلا بھنسالی انتہا سے زیادہ کام کرنے والے ہدایت کار ہیں اور میری حالت بالکل ڈاؤن تھی، وہ میری پٹائی بھی لگاتے تھے۔
ان کا کہنا تھا کہ ایک موقع ایسا تھا جب نے فلم کو چھوڑنے کا فیصلہ کیا، 10 یا 11 ماہ ہوچکے تھے کام کرتے کرتے اور حالت ایسی تھی کہ میں نے سوچا میں یہ نہیں کرسکتا، یہ سب کچھ مجھے بہت پریشان کر رہا ہے۔
رنبیر کپور نے کہا کہ مجھے لگتا ہے کہ میں بہت حساس اور جذباتی ہوں اور وہ مجھے بہت اچھی طرح سے جانتے ہیں اور وہ اس بات پر اکتفا کرتے رہے۔
اداکار نے یہ بھی کہا کہ میرا خیال ہے کہ میری تمام پرفارمنسز جو میں سنیما میں دیتا ہوں وہ ان ہی کی طرف سے ملے تجربے کی بدولت آئی ہیں۔ وہ ایک حقیقی استاد ہیں، انہوں نے اداکاری اور جذبات کے حوالے سے مجھے سب کچھ سکھایا۔
واضح رہے کہ رنبیر کپور نے سنجے لیلا بھنسالی کی 2007 کی فلم سانوریا سے اپنے فلمی کیریئر کی شروعات کیں اور یہ فلم اداکارہ سونم کپور کی بھی پہلی فلم تھی۔
