اسلام آباد: پاکستان میں تعین فلسطینی سفیر کا کہنا ہے کہ اسرائیلی بربریت اور جنگی جرائم کا سلسلہ جاری ہے،اسرائیلی ظلم کیخلاف آواز اٹھانے پر پاکستانی میڈیا کا شکرگزار ہوں ۔
اسلام آباد میں پریس کانفرنس کرتے ہوئے فلسطینی سفیر ولید ابوعلی نے کہا کہ اسرائیلی بربریت کیخلاف حکومت پاکستان ،پارلمنٹ ،سیاسی جماعتوں سمیت میڈیا کا مشکور ہوں ، جوفلسطینی مسلئے کو عالمی سطح پر موثر انداز میں پیش کررہے ہیں،کیونکہ اسرائیل اس وقت مغربی میڈیا کا سہارا لے کر خود کو مظلوم ثابت کررہا ہے،انہوں نے کہا کہ اسرائیلی جارحیت کے نتیجے میں شہداء کی تعداد اٹھارہ سو سے تجاوز کرگئی ، جبکہ اسرائیلی بمباری میں اسکولز ،مساجد،اسپتال اور کیمپوں کو نشانہ بنا گیا ۔انہوں کہا کہ غذائی قلت کے باعث فلسطینی عوام مشکلات کا شکارہیں ۔
