The news is by your side.

Advertisement

اسرائیلی جارحیت کیخلاف ملتان اورکراچی میں احتجاجی مظاہرے

غزہ میں اسرائیلی جارحیت کے خلاف ملتان اور کراچی میں احتجاجی مظاہرے جاری ہیں۔
فلسطین کے لہو لہو شہر غزہ میں اسرائیل کی جارحیت اور شدت پسندی کے خلاف پاکستان میں عوام سراپا احتجاج ہیں۔ آج صبح ملتان کچہری چوک پر اسرائیلی ظلم اور اقوامِ متحدہ کی خاموشی کے خلاف احتجاجی مظاہرہ کیا گیا، اس موقع پرشہریوں کی ایک بڑی تعداد مظاہرے میں شریک تھی جنہوں نے اسرائیل اور اقوامِ متحدہ کے خلاف پلے کارڈز اُٹھا رکھے تھے۔

مظاہرین کا کہنا تھا کہ اسرائیل کی جارحیت پر اسلامی ریاستوں کے سربراہوں اور اقوامِ متحدہ کی خاموشی بہت بڑا ظلم ہے۔ اقوامِ متحدہ کو تحلیل کردینا چاہئیے اور اسلامی ریاستوں کی تنظیم کو فعال بنایا جائے تاکہ اسرائیل کو روکا جاسکے۔

جماعت اسلامی کراچی میں غزہ میں اسرائیلی وحشیانہ بمباری کےخلاف فلسطینی عوام سے اظہاری یکجہتی کےلئے ریلی نکالی گئی۔ جماعت اسلامی کے ترجمان کا کہنا ہےکہ فلسطین انبیا کی سرزمین اور مسلمانوں کا قبلہ اول ہے،اس پر کسی صورت کوئی سمجھوتہ نہیں ہو سکتا۔

Print Friendly, PDF & Email

Comments

comments

یہ بھی پڑھیں