site
stats
اہم ترین

اسلام آبادمیں فوج طلبی پرحکومت سے6اگست تک جواب طلب

اسلام آباد: دارالحکومت میں فوج کی طلبی پراسلام آباد ہائی کورٹ نے  حکومت سے چھ اگست تک جواب طلب کرلیا۔چیف جسٹس انورکانسی نےاستفسار کیاکہ اسلام آباد فوج کےحوالےکرنےکاجوازکیاہے؟وفاقی دارالحکومت فوج کےحوالےکرنےکےخلاف درخواست کی سماعت اسلام آبادہائیکورٹ میں ہوئی۔

چیف جسٹس انور کاسی نے ڈپٹی اٹارنی جنرل طارق کھوکھرسے استفسار کیاکہ آج اسلام آباد کی صورتحال کوئٹہ وزیرستان کراچی جیسی نہیں ہے تو اسلام آباد کو فوج کے حوالے کرنے کا جواز کیا ہے؟؟جسٹس انور کاسی نے ریمارکس میں کہا ہم نے حلف اٹھایا ہے ۔آئین کا تحفظ ہمارا فرض ہے، پاکستان ہم سب کا ملک ہے ،سب مل کر چلائیں گے۔

دوران سماعت درخواست گزار کے وکیل نےدلائل میں کہاآرٹیکل دو سو پینتالیس کے تحت وزارت داخلہ فوج طلب نہیں کرسکتی،  فوج طلب کرنے کا حق آئینی طور پر کابینہ کو ہے، عدالت نے دلائل سُننےکے بعد وفاق سے چھ اگست تک جواب طلب کرلیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top