site
stats
اہم ترین

اسلام آباد ہائیکورٹ: ذکی الرحمان لکھوی کی نظربندی کالعدم ،رہائی کاحکم

اسلام آباد: اسلام آباد ہائیکورٹ نے ممبئی حملہ کیس کے ملزم ذکی الرحمان لکھوی کی نظربندی کو غیرقانونی قرار دیتے ہوئے رہائی کا حکم دے دیا

اسلام آباد ہائیکورٹ میں ممبئی حملہ کیس کے ملزم ذکی الرحمان لکھوی کی نظر بندی کیخلاف درخواست کی سماعت ہوئی، جسٹس نور الحق قریشی نے عبوری حکم نامہ جاری کرتے ہوئے نظربندی کالعدم قرار دیتے ہوئے رہائی کا حکم دیدیا۔

ذکی الرحمان لکھوی کی ممبئی حملہ کیس میں پہلے ہی ضمانت ہوچکی ہے، جس کی منسوخی کیلئے وفاقی حکومت نے انسدادِ دہشت گردی کی عدالت میں درخواست دائر کر رکھی ہے، جس پرفریقین کو نوٹس جاری کیےگئے ہیں۔

تاہم وفاقی حکومت نے ضمانت کے بعد امن و امان کے خدشے کے سبب ذکی الرحمان لکھوی کو نظر بند کردیا تھا۔ جس کے خلاف ملزم نےاسلام آباد ہائی کورٹ میں اپیل دائر کی تھی۔

واضح رہے کہ ہندوستان کی جانب سے الزام لگایا گیا تھا کہ ذکی الرحمن لکھوی ممبٔی حملہ کیس کا ماسڑ مائنڈ ہیں، جس پر پاکستان نے چند سال قبل انہیں مظفر آباد سے آتے ہوئے گرفتار کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top