The news is by your side.

ایک شخص ملک میں انتشار پھیلانے کیلئے ہر لائن عبور کر رہا ہے،آصف زرداری کی عمران خان پر تنقید

کراچی : سابق صدر آصف زرداری کا کہنا ہے کہ ایک شخص ملک میں انتشار پھیلانے کیلئے ہر لائن عبور کر رہا ہے۔

تفصیلات کے مطابق سابق صدر آصف زرداری نے چیئرمین پی ٹی آئی عمران خان پر تنقید کرتے ہوئے کہا ایک شخص ملک میں انتشار پھیلانے کیلئے ہر لائن عبور کر رہا ہے۔

آصف زرداری کا کہنا تھا کہ اس شخص کونہ توملک کی سالمیت کی فکر ہے نہ ملک کےاداروں کی، اس کو صرف اقتدار اقتدار اور اقتدار کے علاوہ کچھ نظر نہیں آتا۔

سابق صدر نے کہا کہ اداروں کی بقا سے ہی ملک کی بقا ہے، ہم کسی صورت بھی ان پرحملہ برداشت نہیں کریں گے۔

1947سے لےکراب تک ہم نےاوراداروں نےملکر دشمن کا مقابلہ کیا، دشمن نے اس بار اندر کے لوگوں سے ہی حملہ کرایا ہے.

ہم پاک فوج کی قربانیوں اور شہادتوں کو کبھی نہیں بھلاسکتے، دشمن کی اس سازش کو بھی ناکام بنائیں گے۔

Comments

یہ بھی پڑھیں