لاہور: اے آر وائی نیوز کو سچ دکھانے کی پاداش میں نون لیگی کارکنان کی جانب سے منفی رد عمل، تفصیلات کے مطابق لاہور کے فیروز پور روڈ پر اوور ہیڈ برج کے اوپر سے لیگی کارکنان نے اے آر وائی کی ڈی ایس این جی پر اپنی ذہنی پستی کا مظاہرہ کرتے ہوئے انڈوں کی بارش کردی۔
جس کے بعد مذکورہ کارکنان با آسانی فرار ہونے میں کامیاب ہوگئے، اس موقع پر تحریک انصاف کے کارکنان نے اے آر وائی کے حق میں پرجوش نعرے لگائے،کارکنان نے اینکر مبشر لقمان اور اقرارالحسن کی حمایت میں پوسٹر بھی اُ ٹھائے ہوئے تھے۔
پاکستان تحریک انصاف کے سربراہ عمران خان نے اے آر وائی نیوز سے خصوصی گفتگو کرتے ہوئے کہا کہ میں اس واقعے کی پر زور مذمت کرتا ہوں۔
انہوں نے کہا کہ ہم نے اپنے کارکنان کو سختی سے منع کیا ہوا ہے کہ میڈیا کی کسی گاڑی کو نقصان یا کسی صحافی کو زدوکوب نہ کیا جائے،ان کا کہنا تھا کہ جیو مسلسل غلط اور جھوٹی رپورٹنگ کررہا ہے، اور جیونیوز نواز لیگ کی بی ٹیم بنا ہوا ہے۔
