بالائی علاقوں میں جاری مون سون بارشوں میں آج سے کمی آجائیگی -
The news is by your side.

Advertisement

بالائی علاقوں میں جاری مون سون بارشوں میں آج سے کمی آجائیگی

اسلام آباد: ملک کے بالائی علاقوں میں جاری مون سون بارشوں میں آج  سے کمی آجائیگی اور ہفتہ کے روز سے ملک کے بیشتر علاقوں میں موسم خشک رہنے کا امکان ہے۔

یکم رمضان سے کراچی میں بادل چھائے ہوئے ہیں، جس سے کراچی کے درجہ حرارت میں تین سے چار ڈگری سینٹی گریڈ کمی ہوئی ہے، حالیہ بارشوں کی وجہ سے ملک کے بالائی علاقوں میں آٹھ ڈگری سینٹی گریڈ تک کمی ریکارڈ کی گئی۔

محکمہ موسمیات کے مطابق آج سے ملک کے بالائی علاقوں میں جاری مون سون بارشوں میں کمی آجائیگی اور ہفتہ کے روز سے ملک کے بیشتر علاقوں میں موسم خشک رہنے کا امکان ہے۔

آئندہ چوبیس گھنٹوں کے دوران اسلام آباد، پنجاب، خیبرپختونخوا، کشمیر اور گلگت بلتستان میں کہیں کہیں جبکہ قلات ڈویژن اور زیریں سندھ میں چند مقامات پر تیز ہوائوں اور گرج چمک کیساتھ مزید بارش کا امکان ہے اس دوران ہزارہ ڈویژن، بالائی پنجاب اور کشمیر میں بعض مقامات پر موسلادھار بارش کی توقع ہے۔

گزشتہ روز سب سے زیادہ بارش راولاکوٹ میں چوالیس ملی میٹر ریکارڈ کی گئی جبکہ سب سے زیادہ درجہ حرارت سبی میں پینتالیس ڈگری سینٹی گریڈ رہا۔

Comments

comments

یہ بھی پڑھیں