بالی وڈ فلم’ ویلکم ٹوکراچی‘ دوہزارپندرہ میں ریلیز ہوگی -
The news is by your side.

Advertisement

بالی وڈ فلم’ ویلکم ٹوکراچی‘ دوہزارپندرہ میں ریلیز ہوگی

کراچی: بھارتی اداکارعرفان خان اورارشد وارثی کراچی شہر پر بننے والی مزاحیہ فلم میں ایک ساتھ جلوہ گرہورہے ہیں۔

دونوں فنکاراب سے چھ سال قبل فلم’’کریزی فور‘‘میں ایک ساتھ کام کرچکے ہیں، غیرملکی ذرائع ابلاغ کے مطابق فلم ’’ویلکم ٹو کراچی‘‘ کی کہانی دوکرداروں کے گرد گھومتی ہے جو ساحل سمندر کے کنارے واقع شہر میں نئے وارد ہوئے ہیں جہاں سیاسی انتشار کی صورتحال ہے۔

فلم کے ہدایت کارروہت شیٹھی سے جب سوال کیا گیا کہ ’کراچی‘ کو فلم کے موضوع کے لئے کیوں چناگیا؟ تو انہوں نے جواب دیاکہ ’’دوسرےساحلی شہروں کے مقابلے میں کراچی ایک خطرناک شہر سمجھا جاتا ہے لیکن اچھے لوگ ہرجگہ پائے جاتے ہیں، اور یہی اس فلم کا مرکزی خیال ہے‘‘۔

مزاحیہ فلم کے مرکزی کرداروں کے لئے عرفان خان اور ارشد وارثی کے ناموں کا اعلان کیا جاچکا ہے لیکن ہیروئن کا کردار کونسی اداکارہ نبھائیں گی اس بات کو تاحال صیغۂ راز رکھا جارہا ہے۔

مزاح سے بھرپورفلم ’’ویلکم ٹو کراچی‘‘  دوہزار پندرہ میں سینما گھروں کی زینت بنے گی۔

Comments

comments

یہ بھی پڑھیں