بلاول بھٹو آج گھوٹکی کے سیلاب زدہ علاقوں کا دورہ کریں گے -
The news is by your side.

Advertisement

بلاول بھٹو آج گھوٹکی کے سیلاب زدہ علاقوں کا دورہ کریں گے

گھوٹکی :پیپلز پارٹی کے چیئرمین بلاول بھٹو زرداری آج گھوٹکی میں سیلاب سے متاثرہ علاقوں کا دورہ کریں گے۔

پیپلز پارٹی کے چئیرمین بلاول بھٹو زداری سیلاب سے متاثرہ علاقوں کے دورے پرآج گھوٹکی پہنچیں گے، جہاں وہ قادر پور شینک کے حفاظتی بند کا معائنہ کریں گے۔

گزشتہ روز سیلاب زدگان کی امداد کے لئے پیپلز پارٹی کے چیئرمین نے ملتان کا دورہ کیا، بلاول بھٹو زرداری کے سیلاب سے متاثرہ علاقے محمد پور گھوٹہ پہنچنے سے قبل ہی امدادی ٹرک پر متاثرین نے دھاوا بول دیا، شدید ہنگامہ آرائی کے بعد بلاول بھٹو امدادی سامان تقسیم کئے بنا ہی چل پڑے۔

بلاول بھٹو نے سیلاب سے متاثرہ شیر شاہ بند کا بھی دورہ کیا اور امدادی سامان تقسیم کیا۔

اس موقع پربلاول بھٹو کا کہنا تھا کہ کارکنوں کے گلےشکوے دور کئےجائیں گے، ایک وقت آئیگا یہ نعرہ بھی ہوگا، مرسوں مرسوں پنجاب نہ ڈےسوں، بلاول بھٹو نے اس موقع پر پارٹی رہنماﺅں کو سیلاب سے متاثرہ علاقوں میں امدادی سرگرمیوں میں تیزی لانے کی ہدایت بھی کی۔

بلاول بھٹو زرداری سابق وزیرِاعظم یوسف رضاگیلانی کے گھر بھی گئے، بلاول بھٹو کی ملتان آمد کے موقع پر سیکیورٹی کے سخت انتظامات کیے گئے تھے۔

Comments

comments

یہ بھی پڑھیں