کوئٹہ : بلوچستان کے ضلع بولان میں حساس اداروں اور فرنٹیئر کورکی مشترکہ کارروائی میں کالعدم تنظیم کے تین اہم شرپسند گرفتار کرلئے گئے فورسز نے بھاری تعداد میں اسلحہ بھی برآمد کرلیا۔
ذرائع کے مطابق ضلع بولان کے علاقے بھاگ میں حساس اداروں اور ایف سی نے مشترکہ کارروائی کرتے ہوئے شرپسندوں کی پناہ گاہ پر چھاپہ مار کر کالعدم تنظم سے تعلق رکھنے والے تین اہم کارندوں کو گرفتار کرلیا۔
جن کے قبضے سے 45تیار بم،65خودکار بندوقیں ،50ری پیٹرزاور مختلف بورز کے 30ہزار راؤنڈز برآمد کرلئے۔
ایک اور کارروائی کے دوران کوئٹہ کے علاقے ہزار گنجی میں شیخ زید ہسپتال کے قریب سے پولیس نے دو مشتبہ موٹرسائیکل سواروں کو حراست میں لے کر ان سے دستی بم ،پسٹل اور واکی ٹاکی سیٹ برآمد کرلیا۔
گرفتار شرپسندوں سے مزید تفتیش کی جارہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں