تحریک انصافِ کا این اے 149ملتان کے ضمنی الیکشن سے بائیکاٹ کا اعلان -
The news is by your side.

Advertisement

تحریک انصافِ کا این اے 149ملتان کے ضمنی الیکشن سے بائیکاٹ کا اعلان

ملتان : تحریکِ انصاف نے این اے ایک سو انچاس ملتان کے ضمنی انتخاب کا بائیکاٹ کردیا ہے، آئندہ کا لائحہ عمل کورکمیٹی میٹنگ کے بعد واضح کیا جائے گا۔

تحریکِ انصاف نے سولہ اکتوبر کو قومی اسمبلی کی نشست ایک سو انچاس ملتان کے ضمنی انتخاب کے بائیکاٹ کا اعلان کردیا ہے، پی ٹی آئی رہنماء شاہ محمود قریشی کے مطابق فیصلہ الیکشن کمیشن پر تحفظات ہونے کے سبب کیا گیا۔

پی ٹی آئی رہنماء نے کہا کہ انتخابی عمل سے متعلق آئندہ کا لائحہ عمل کور کمیٹی کی میٹنگ میں طے کیا جائے گا، نشست تحریکِ انصاف کے صدر جاوید ہاشمی کے استعفی دینے سے خالی ہوئی۔

پی ٹی آئی رہنماء شاہ محمود قریشی نے کہا ہے کہ کراچی کے جلسے کے بعد تحریکِ انصاف لاہور اور ملتان میں بھی سیاسی قوت کا مظاہرہ کرے گی۔

دوسری جانب ن اور پیپلز پارٹی نے اپنے امیدواروں سے کاغذات نامزدگی طلب کرلئے ہیں، ذرائع کے مطابق جاوید ہاشمی آزاد امیدوار کی حیثیت سے ضمنی انتخاب میں حصہ لیں گے۔

Comments

comments

یہ بھی پڑھیں