اسلام آباد :پاکستان ریلوے کی جانب سے عوام کیلئے عید کا تحفہ،تفصیلات کے مطابق محکمہ ریلوے نے تمام ٹرینوں کے کرایوں میں تیس فیصد کمی کا اعلان کردیا ہے ۔
ایک طرف سی این جی کی لوڈ شیڈنگ ختم تودوسری جانب ریلوے نے بھی تمام ٹرینوں کے کرایوں میں تیس فیصد کمی کر دی ہے ۔ یہ کمی عید کے پہلے دو دنوں کیلئے ہوگی ،ترجمان ریلوے کے مطابق کمی کا اطلاق تمام کلاسز کی ٹرینوں پر ہو گا۔
عید اور اس کے اگلے روز ٹرینوں کے کرایوں میں کمی کا اعلان وزیر ریلوے خواجہ سعد رفیق کی ہدایت پر کیا گیا۔ ترجمان کا کہنا ہے کہ کرایوں میں کمی کا مقصد عید اور اگلے روز عوام کو سہولت فراہم کرنا ہے۔
