The news is by your side.

Advertisement

حارث سلیمان کا جہازسمندرمیں 900فٹ گہرائی میں دیکھا گیا

کیلیفورنیا: امریکی کوسٹ گارڈ کے ترجمان کا کہنا ہے کہ کم عمر ترین پاکستانی نژاد پائلٹ حارث سلیمان کا جہاز ساؤتھ پیسیفک اوشن میں نو سو فٹ کی گہرائی میں دیکھا ہے۔

کیلیفورنیا کے قریب طیارے حادثے میں جاں بحق ہونے والے دنیا کے کم عمر ترین پاکستانی نژاد پائلٹ حارث سلیمان کے والد بابرسلیمان کی لاش تلاش کی جارہی ہے، حارث سلیمان کی لاش کو نکال لیا گیا ہے، حارث سلیمان کی لاش لائف جیکٹ پہننے کے باعث تیرتی ہوئی ملی تھی۔

امریکی کوسٹ گارڈ کے ترجمان کا کہنا ہے کہ نو سو فٹ کی گہرائی میں جہاز گرا ہوا دیکھا ہے، ابھی تک کوئی بھی ریسکیو ورکر نو سو فٹ جہاز کی تہ تک نہیں پہنچ سکا۔

امریکی کوسٹ گارڈ کے ترجمان کا کہنا ہے کہ بابر سلیمان کی لاش جہاز کے اندر ہی موجود ہوسکتی ہے، جہاز کی نشاندہی کے بعد اس کو ساحل سمندر تک لانے کی کوشش کی جارہی ہے، حارث سلیمان اور بابر سلیمان پاکستانی بچوں کی تعلیم کیلئے فنڈ جمع کرنےکیلئے جہاز میں دنیا کا چکر لگانے نکلے تھے، بدقسمتی سے جہاز کیلیفورنیا کے سمندر میں گر کر تباہ ہوگیا۔

Print Friendly, PDF & Email

Comments

comments

یہ بھی پڑھیں