حفیظ بولنگ ایکشن ٹیسٹ میں ناکام، ایک سال کیلئے پابندی عائد -
The news is by your side.

Advertisement

حفیظ بولنگ ایکشن ٹیسٹ میں ناکام، ایک سال کیلئے پابندی عائد

دبئی : پاکستانی آل راؤنڈر محمد حفیظ بولنگ ایکشن ٹیسٹ میں فیل ہوگئے، آئی سی سی قوانین کے تحت وہ ایک سال تک انٹرنیشنل میچز میں بولنگ نہیں کراسکیں گے۔

محمد حفیظ بولنگ ایکشن ٹیسٹ میں ناکام ہوگئے اب وہ ایک سال تک بطور بیٹسمین ٹیم میں کھیل سکتے ہیں، سری لنکا کے خلاف گال ٹیسٹ میں حفیظ کا ایکشن رپورٹ ہوا تھا، ذرائع کے مطابق امپائرز نے حفیظ کی چھ گیندوں پر اعتراض کیا تھا ۔

جس کے بعد چنائی کی بائیو میکنک لیب میں انہوں نے بولنگ کی جانچ کرائی تھی، جو آئی سی سی کے قوانین کے مطابق نہ ہوسکیں، ذرائع کے مطابق بولنگ ایکشن ٹیسٹ کے دوران حفیظ سے چھ اوورز کرائے گئے تھے، حفیظ ایک سال میں دوسری مرتبہ بولنگ ایکشن میں رپورٹ ہوئے اور فیل ہوگئے۔

آئی سی سی قوانین کے تحت ایک سال میں دو مرتبہ بولنگ ایکشن ٹیسٹ میں رپورٹ ہونے کے بعد ناکامی کی صورت میں پابندی عائد ہوجاتی ہے۔

Comments

comments

یہ بھی پڑھیں