The news is by your side.

Advertisement

حکومت کا الطاف حسین کے خلاف قانونی چارہ جوئی کا اعلان

اسلام آباد : وفاقی وزیر داخلہ چوہدری نثار نے کہا ہے کہ الطاف حسین نے تمام حدیں پار کرلیں۔ ریاست کو نشانہ بنایااور دشمن ملک کو پاکستان میں مداخلت کیلئے کہا۔جو ناقابل برداشت ہیں۔

تفصیلات کے مطابق الطاف حُسین کی اشتعال انگیز تقریرپرحکومت پاکستان نے بڑا فیصلہ کرلیا، حکومت نے الطاف حسین کے خلاف قانونی چارہ جوئی کا اعلان کردیا۔

وزیر داخلہ چوہدری نثار نے اسلام آباد میں میڈیا سے گفتگو کرتے ہوئے کہا کہ اب برداشت کی حدختم ہوچکی، چودھری نثار علی خان نے کہا ہے کہ ایم کیو ایم کے سربراہ الطاف حسین پاکستان کی ریاست اور اداروں کی تضحیک کر رہے ہیں۔الطاف حسین کی اشتعال انگیز تقاریر کے خلاف قانونی مسودے کی تیاری شروع کردی ہے۔

چوہدری نثار کا کہنا تھا کہ الطاف حسین کی تقریر افسوسناک ہے کوئی بھی محب وطن ملک دشمنوں کو دعوت نہیں دیتا، چودھری نثار کا کہنا تھا کہ یہ زبان اردو سپیکنگ یا ایم کیو ایم کی نہیں بلکہ دشمنوں کی ہے۔

ایم کیو ایم ایک محب الوطن جماعت ہے۔ سمجھتا ہوں کہ جو کچھ بھی ہو رہا ہے ایم کیو ایم کے چند لوگوں کے سوائے کوئی اس سے آگاہ نہیں ہے۔

انہوں نے کہا کہ الطاف حسین کی لائیو تقریر تو بند کر دی ہے۔ مکمل طور پر تقریر بند کرنے پر ابھی بات کی جا رہی ہے۔

چوہدری نثار کا کہنا تھا کہ منی لانڈرنگ اور عمران فاروق قتل کیس میں برطانوی حکومت اور پولیس سے تعاون جاری رکھیں گے۔

ان کا کہنا تھا کہ سیاست کو ایک طرف رکھ کر کراچی آپریشن کا فیصلہ کیا گیا۔ یہ تاثر غلط ہیں کہ کراچی آپریشن میں صرف ایم کیو ایم کو نشانہ بنایا جا رہا ہے۔ ہم ایم کیو ایم کے مینڈیٹ کا احترام کرتے ہیں۔

واضح رہے کہ ایم کیو ایم کے الطاف حسین نے گزشتہ رات ایک بار پھر پاک فوج کے خلاف اشتعال انگیز تقریر کی تھی۔


Chaudhry Nisar Ali Khan press conference 02… by arynews

Comments

comments

یہ بھی پڑھیں