کراچی: یوسف رضا گیلانی نے کہا ہے کہ حکومت کو لانگ مارچ پر قدغن لگانے سے گریز کرنا چاہییں، قدغن سے تصادم اور تصادم سے جمہوریت کو خطرہ ہے۔
سابق وزیراعظم یوسف رضا گیلانی نے کراچی پریس کلب میں پیپلز پارٹی کی جانب سے منعقدہ یوم اقلیت کی تقریب سے خطاب کرتے ہوئے کہا کہ ملک میں مارشل لاء لگتے نظر نہیں آرہا، دونوں فریقین کو کو لچک دکھانی ہوگی، انہوں نے کہا کہ پیپلزپارٹی جمہوریت کو ڈی ریل کرنے کے عمل میں شریک نہیں ہوگی۔ عددی اعتبار سے نواز شریف مضبوط وزیراعظم ہیں۔
یوسف رضا گیلانی نے کہا کہ حکومت ٹھنڈی طبعیت کے ساتھ لانگ مارچ کا سامنا کرے، انہوں نے کہا کہ حکومت کو ڈرنے کے بجائے پارلیمنٹ سے رجوع کرنا چاہیے ، حکومت پارلیمنٹ کو مضبوط نہیں کرنا چاہتی ،اگر پارلیمنٹ مضبوط نہیں ہوگی تو جمہوریت پر وارہوسکتا ہے ۔